Monday 10 October 2011

SAI KASHT NIVARAN MANTRA

















Sai kasht nivaran mantra

Sadguru sainaath maharaj ki jai
Kashton ki kali chaya dukhdayi hai
Jeewan me ghor udasi layi hai
Sankat ko talo sai duhai hai
Tere siwa na koi sahayi hai
Mere man teri surat samai hai
Har pal har kshan mahima gayi hai
Ghar mere kashton ki aandhi aayi hai
Aapne kyun meri sudh bhulayi hai
Tum bholenaath ho daya nidhan ho
Tum hanuman ho maha balwan ho
Tumhi ram aur shyam ho
Saare jagat mein tum sabse mahan ho
Tumhi mahakali tumhi maa shaarde
Karta hoon prarthna bhav se taar de
Tumhi mohhammad ho gareeb nawaz ho
Nanak ki vani mein eesa ke saath ho
Tumhi digambar tumhi kabir ho
Ho budh tumhi aur mahaveer ho
Saare jagat ka tumhi aadhar ho
Niraakar bhi aur saakar ho
Karta hu vandana prem vishwas se
suno sai allah ke vaste
adharo pe mere nhi muskaan hai
Ghar mera banna laga shamshan hai
Reham nazar karo ujre viran pe
Zindagi sawaregi ek vardan se
Paapo ki dhoop se tan laga haarne
Aapka ye das laga pukaarne
Aapne sada hi laaj bachayi hai
Der na ho jaaye man shankayi hai
Dheere dheere dheeraj hi khota hai
man me basa vishwas hi rota hai
meri kalpana saakar kar do
sooni zindagi me rang bhar do
dhote dhote paapon ka bhaar zindagi se
main gaya haar zindagi se
naath avgun ab to bisaaro
kashton ki lehar se aake ubaaro
karta hu paap main paapo ki khan hu
gyani tum gyaneshwar main agyan hu
karta hu pag pag par paapo ki bhool main
taar do jeewan charno ki dhool se
tumne ujda hua ghar basaya
paani se Deepak bhi tumne jalaya
tumne hi shirdi ko dhaam banaya
chhote se gaon mein swarg sajaya
kasht paap shrap utaro
prem daya drishti se nihaaro
aapka daas hu aise naa taaliye
girne laga hu sai sambhaliye
saiji balak main anaath hu
tere bharose rehta din raat hu
jaisa bhi hoon, hoon to aapka
keeje nivaran mere santaap ka
tu hai sawera aur main raat hoon
mel nhi koi phir bhi saath hoon
saiji mujhse mukh naa modo
beech majhdaar akela na chodo
aapke charno mein base pran hain
tere vachan mere guru saman hain
aapki raah pe chalta daas hai
khushi nhi koi jeewan udas hai
aansoo ki dhaara mein doobta kinaara
zindagi mein dard , nhi guzaara
lagaya chaman to phool khilaao
phool khile hai to khushboo bhi laao
kar do ishara to baat ban jaye
jo kismat me nhi wo mil jaaye
beeta zamana ye gaake fasana
sarhade zindagi maut tarana
der to ho gayi hai andher na ho
fikr mile lekin fareb na ho
deke taalo ya daaman bacha lo
hilne lagi rehnumayi sambhalo
tere dam pe allah ki shaan hai
sufi santon ka ye bayan hai
gareebon ki jholi me bhar do khazana
zamane ke wli na karo bahana
dar ke bhikhari hain mohtaaj hain hum
shehenshahe aalam karo kuch karam
tere khazaane mein allah ki rehmat
tum sadguru saiji ho samarth
aaye ho dharti pe dene sahara
karne lage kyun humse kinaara
jab tak ye brahmand rahega
sai tera naam rahega
chaand sitare tumhe pukaarenge
janmojanam hum rasta nihaarenge
aatma badlegi chole hazar
hum milte rahenge baarambar
aapke kadmo mein baithe rahenge
dukhde dil ke kehete rahenge
aapki marzi hai do ya na do
hum to kahenge daaman hi bhar do
tum ho data hum hain bhikhaari
sunte nhi kyun araz hmari
achchha chalo ek baat bta do
kya nhi tumhaare paas bta do
jo nhi dena hai inkaar kar do
khatam ye aapas ki takrar kar do
laut k khali chala jaaunga
phir bhi gun tere gaaunga
jab tak kaaya hai tab tak maaya hai
isi mein dukhon ka mool samaya hai
sab kuch jaan ke anjaan hu main
allah ki tu shaan teri shaan hu main
tera karam sada sabpe rahega
ye chakra yug yug chalta rahega
jo prani gayega saiji tera naam
usko mukti mile pahuche param dhaam
ye mantra jo praani nit din gaayege
raahu ketu shaani nikat na aayenge
tal jaayenge sankat saare
ghar mein vaas Karen sukh saare
jo shraddha se karega pathan
us par dev sabhi ho prasann
rog samool nasht ho jayenge
kasht nivaaran mantra jo gaayenge
chinta harega nivaran jaap
pal mein door ho sab paap
jo ye pustak nit din baanche
shri lakhmi ji ghar uske sada viraaje
gyan buddhi praani wo paayega
kasht nivaran mantra jo dhyayega
ye mantra bhakto kamal karega
aayi jo anhoni to taal dega
bhoot prêt bhi rahenge door
is mantra mein sai shakti bharpoor
japte rahe jo mantra agar
jaado tona bhi ho beasar
is mantra mein sab gun samaye
na ho bharosa to aazmaye
ye mantra saiji vachan hi jaano
swayam amal kar satya pehchaano
sanshay na laana vishwas jagana
ye mantr sukhon ka hai khazana
is pustak mein saiji ka vas
jai saiji shri sai jai jai sai

36 comments:

  1. Bolo Shree Satguru SaiNath Maharaj Ki..... JAI....!!!!!

    ReplyDelete
  2. dear readers.trust me jst go through it onc n mark ma wrds it really wrks!!it is ma personal xperience!!!!

    ReplyDelete
  3. Om saii ram....

    ReplyDelete
  4. mukesh kumar mishra27 May 2012 at 18:11

    annant koti brhamand nayak raja dhiraj yogiraj prambrham shree sachidanand satguru sainath maharaj ki jai .

    ReplyDelete
  5. Sai Ji Maharaj ki Jai...Mere satguru apni kripa sab te banai rakhi.... Jai Sai Ram

    ReplyDelete
  6. OM SAI RAM.....
    SATGURU SAI RAM...JAI JAI SAI RAM....SHRI SAI NAMOH NAMAH..

    ReplyDelete
  7. BABA BLESS US ALL......SATGURU JI BE WITH US ALWAYS......JAI SAI NATH MAHARAJ JI KI.....
    OM SAI RAM......SATGURU SAI RAM......

    ReplyDelete
  8. OM SAI SRI SAI JAYA JAYA SAI

    ReplyDelete
  9. OM SAI SRI SAI JAYA JAYA SAI

    ReplyDelete
  10. OM SAI SRI SAI JAYA JAYA SAI

    ReplyDelete
  11. OM SAI RAM,OM SAI SRI SAI JAYA JAYA SAI

    ReplyDelete
  12. God plz help me!!!
    My partner is looking for a job since 6 months..
    Nothin happenin :(

    ReplyDelete
  13. RAJAADHI RAJA YOGI RAJA PARABRAMHA SACHITHANANDHA SAMASTHA SATGURU SAINATH MAHARAJ KI JAI

    ReplyDelete
  14. SAI BABA KI JAI...

    OM SAI RAM..

    ReplyDelete
  15. Om sai Sri Sai Jai jai Sai

    Om sri Sai Ram

    ReplyDelete
  16. Jay Sai Nath.....

    ReplyDelete
  17. Kripa karo Sai,,
    Me mushkil me hoon.. Ye mera zindgi ka sawal hai,,
    Aap hi rasta dihaye, Sai Nath..... Main kya karu Sai.
    Aap hi sahara hai, mere Sai.... Jay Sai Nath.

    ReplyDelete
  18. आंसू पोंछ कर मेरे साईं ने हसाया है मुझे.... मेरी हर गलती पर भी मेरे साईं ने सीने से लगाया है मुझे....विश्वास क्यों न हो मुझे अपने साईं पर....मेरे साईं ने हर हाल में जीना सिखाया है मुझे..!!!
    ॐ साईं राम...ॐ साईं राम....ॐ साईं राम...॥ सबका मालिक एक ॥

    ReplyDelete
  19. Om sai ram ! Om sai shri sai jai jai sai !

    ReplyDelete
  20. Sai Malik..
    Jay Sai Nath.....

    ReplyDelete
  21. Jay Sai Nath.....
    Sai Malik..

    ReplyDelete
  22. ॐ साईं राम ♡♡

    ReplyDelete
  23. Sai Baba plz be with me... help me.... plz bring back my love.... plzzz baba....

    ReplyDelete
  24. Saibaba pls give my love back..

    ReplyDelete
  25. Saibaba ..why are you testing me so much . I want my love back. Please give him to me immediately. Do you really like me suffering like this. I can't tolerate this pain at all. I already promised you that I will not marry any other guy other than my 'xxxxxx'. Even then what good thing you are going to bring to my life. Should I suffer like this. Hope my prayers reach you. Please don't test me any more. Its my humble request. Please think of my pain too. Please give me my 'xxxxxx' back.

    ReplyDelete
  26. Sai nath maharaj ki jai,om sai ram,om sai nathae namah:

    ReplyDelete
  27. Om sai ram, shri sacchdanand sai nath maharaj ki jai

    ReplyDelete
  28. Sai baba meri aawal ki job lga dijie sai baba.

    ReplyDelete
  29. Sai baba love you so much 🥰🥰.baba Aap se hi hamara Jeevan juda he. Aap hi hamara sub kuch ho. Sacchdanand sadguru sai nath maharaj ki Jai. 🙏🙏🙏🙏🙏

    ReplyDelete
  30. Shree sachidanand Sainath maharaj ki jai! 🙏🙏🙏

    ReplyDelete